أخبار مصر

محمود بدر لـ”وزير التموين”: كفاية “أنعرة” على الشعب


02:35 م


الثلاثاء 03 يناير 2023

كتب- مصراوي:

وجه النائب محمود بدر، عضو مجلس النواب عن تنسيقية شباب الأحزاب والسياسيين انتقادات حادة لوزير التموين علي المصيلحي، وقال له “ما ينفعش تتأنعر على الناس”.

وأضاف بدر خلال كلمته في الجلسة العامة اليوم “لما نحب نختصر رؤية وزارة التموين بخصوص الدعم نرجع لتصريح سيادة الوزير لما قال الناس عايزة زيت بيور انت جاي تاخد دعم وتتأنعر”، واستطرد بدر: تصريح الوزير الذي قاله “علشان المواطن بيطلب حقه في سلعة نظيفة”.

وخاطب بدر رئيس مجلس النواب، المستشار حنفي جبالي “زي ما تطلب مننا ضبط انفعالاتنا نرجو أن الحكومة تضبط تصريحاتها، كل وزير ماينفعش يتأنعر على الشعب المصري، كل وزير بياخد مرتبه من ضرائب الشعب المصري ما ينفعش يتأنعر على الشعب”.

وأشار بدر في كلمته إلى رد فعل المصيلحي على كلمات النواب بابتسامة، وقال “بجملة الضحك اللي بيضحكه، نكتة لمواطن شالوا مراته من بطاقة التموين من سنة 2018، بحجة إنها ميتة، لحد انهاردة 2023 بيحاول يثبت إن مراته لسة عايشة”.

واختتم بدر “عايزين موظفين يشتغلوا بجد يشوفوا الأسعار بجد ما يقعدوش يتأنعروا على المواطن المصري، كفاية أنعرة لحد كده”.​

مقالات ذات صلة

زر الذهاب إلى الأعلى